maha 的个人资料ܓܨ M A H A ܓܨ照片日志列表更多  |  工具 帮助 |
هنا هاتلاقونى بتنطط يمين و شمال
|
ܓܨ M A H A ܓܨو كأنى عصفور متدلع ّ وفــ قلبه حكايات بتولع 3月11日 هذيان بدون نظاره على جنب الدنيا كده : مع إنى بقالى سنين
بنام بنضارتى و أمى تيجى تشيلها من على وشى الصبح
لكن نظرى بيضعف برضه ..
يمكن لإنى دايماً لما بشوفك
بحب أقلعها ..
1月18日 " أنا شو مشتاق عليك " شو بحبك لما بتحكى
بترسم ع شفافك ضحكة
شو بحبك لما بتبكى
بتشكى و عم بتغلغل فىّ
حبيبى أنت الأحلى
عمرى بقربك عم يحلى
عطرك ..سحرك
صوتك ..رسمك
صاروا منى و فىّ
وائل كفورى -قرب لىّ
11月29日 status ..
بتدور على 20 سنة .. و مش عارفة هما راحوا فين ؟ و بتدور على مبرر مناسب تقوله لما تكتشف إنهم ضاعوا منها و الأهم .. هاتعمل إيه بعد كده ؟ ... بفتكر لما سألتنى " إيه الجديد " ؟ و أنا رديت " ولا حاجة" ..عادى " أنتِ عارفة إن بقالى سنة أعرفك ..عايشة و خلاص كده " رحت أنا حاولت أبرر لك مع إن المفروض كنت أقولك .. " غلطان ..دى مش سنة واحدة بس .." مع إنها مش مبرر !
10月21日 زى النهاردة ..زى بعده ..زى كل يوم تحذير : الموضوع مقرف أو الناس هى اللى بتقول كده
=====
يوم الخميس اللى فات دخلت فيلم " زى النهاردة " , مابعرفش أقيم الأفلام أوى من حيث جودتها , بقيمها من حيث الحالة اللى خلقتهالى ..فهتلاقوا أفلام غريبة جداً بحبها ..زى " حب البنات " , و " حرب الفراولة " و غيرهم أفلام البعض بيشوفها
فقيعة و عقيمة ..
المهم (زى النهارده ) مش واو , بس خلق لى حالة حلوة كنت محتاجة لها
بس أكترلقطة عجبتنى فى الفيلم : لما آسر ياسين - بيمثل دور مدمن- كان حاضن حبيبته بحنيّه- حنينة جداً- أثناء حملها منه
و كانوا بيحاولوا يبطلوا إدمان علشان البيبى ..و هى تعبانة جداً لإنها بطلت يوم واحد تقريباً
و فضلت تتحايل عليه يديها جرعة , وسط التعب ده ..وهو حاضنها
راحت رجعت - تقيأت يعنى - على لبسه ..راح حضنها أكتر .. و كأنه ماشافش أى حاجة ولا كأنها رجعت عليه اصلا
المشهد بسيط أوى و عادى يمكن و مقرف ممكن , بس وصل لى أحاسيس حلوة أوى من آسر ..
أصحابى اللى كانوا معايا فى السينما عجبهم جداً المشهد ..لكن ناس تانية شافتنى مقرفة أوى علشان معجبة بيه
..
افتكر إنى كنت كاتبة على الماسنجر كبرسونال ماسدج " تقدر تقول قرفانة " , راحت صاحبتى دخلت تقولى
" ما هو واحدة زيك شايفة ان الترجيع على واحد رومانسية ..لازم تفضل قرفانة و تكون مقرفة كمان "
عامة يا هبة يا هبلة عمرك ما هاتحسى باللى بقول عليه غير لما ترجعى على حبيبك و أنتى فى قمة ألمك و أزمتك
و تلاقيه مستحملك , لكن عامة ماأتوقعش منه معاكى غير إنه يقولك " جاتك قرف , قومى من جنبى ..الله يقرفك " ..ما هو أصلك يا هبة ماتستاهليش منه غير كده
الفكرة فى الحب مش فى إن حد يهدّيك بكلام و أنت متضايق بس , ولا يحاول يواسيك
الفكرة فى الحب أو حب الصداقة إنه يستحملك فى قمة قرفك ...
10月12日 داب السكر , مالقتهوش
أملك صورة أنا فيها صغير شكلى اتغير ماعرفتوش كان فى جيوبى مكعب سكر داب السكر ..مالقتهوش و أما اتقطعت منى الساعة وقع الوقت لقتنى كبير بلاك تيما - مكعب سكر
10月7日 نص حالةهل استمعت لأغنية " نص حالة " لأصالة ..؟
الأغنية تتحدث عن حبيبان , كل ما بينهما هو نصف حالة
نصف حب ..نصف بُعد
نصف شوق ..نصف جفاء
من حين لاخر يغلب نصفا على الاخر و بقوة ..وتتجلى الأزمة بقسوة عندما يستاوى النصفان
أنا أدرك تماماً هذه الحالة , ليس فقط معك
إنما مع نفسى ..مع الدنيا
دائماً أتعثر فى المنتصف , فى نصف الفرحة ..فى نصف السعادة
نصف الروعة ..نصف المصالحة ..نصف البهجة ..نصف الإطمئنان
ما بينى و بينهم هو " نص حالة " , دوماً تقف هذه الأشياء الغير مكتملة بينى و بينهم
تعلن عن نفسها بثقة أكرهها ..
" نص ضحكة
نص فرحة
نص راحة "
أتدرك هذا الإحساس ؟ يحدثك الناس دوماً عن روعتك و عن أشياء براقة بداخلك
فتتذيل دوماً كلماتهم بجملة " امال فى إيه .؟؟ " .. فتدرك إنها لعنة النصف حالة
أن تنأى بنفسك بعيداً عن إحدى النصفان فقط لإنك لا تريد أن تكون فى المنتصف
" كل ما نحاول نقرب
نلقى بُعد
زى ما يكون اللى بينا
شىء غريب
لعنة الحب اللى بتذل الحبيب
و اللى بينا ..نص حالة "
أنا لا أريدك نصف ..و أكره الصداع النصفى
10月6日 ماركة أحسن شاى !شاى الوززززة
تخيلوا معايا الست اللى بتغنى دى
واقفة بكامل شموخها و عزتها و أنوثتها
و عاملة تغنى و تقول
يا وزة ياوزة يا وزة
وزتنا جت بسلاااامة
ولا تخيلوا معايا الراجل الكُبرة
اللى كتب الكلمات
و هو قاعد بهيبته و بطوله و بشموخه برضه
و عمال يفكر و يكتب الكلمات و يقول
اممم
يا وزة ..يا وزة ..يا وزة ..
يا ماركة أحسن شاااااى
:D |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
